Pas dhjetë ditësh trajtim intensiv në QKUK, ka ndërruar jetë 23-vjeçari Arbër Shala, i cili u lëndua rëndë në aksidentin e ndodhur në fshatin Celinë të Rahovecit. Shala nuk arriti t’i përballojë plagët e marra dhe sot u konfirmua vdekja e tij.
Aksidenti, që ndodhi dhjetë ditë më parë, rezultoi në lëndime të rënda për tre persona. Dy prej tyre ishin pasagjerë në veturë, ndërsa i treti, shoferi i një kamioni të përfshirë në aksident, gjithashtu mbeti i lënduar rëndë. Të gjithë të lënduarit u transferuan menjëherë në QKUK për trajtim, por për fat të keq, Arbër Shala nuk mundi të mbijetojë.
Me urdhër të Prokurorit të Shtetit, trupi i të ndjerit është dërguar në Institutin e Mjekësisë Ligjore për obduksion. Policia e Kosovës ka nisur hetimet dhe po ndërmerr veprimet e nevojshme për të sqaruar rrethanat e aksidentit tragjik.
Ngushëllime të sinqerta për familjen dhe miqtë e Arbër Shalës në këtë moment të vështirë.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
