Kryetari i AKR-së në Prizren, Afrim Tejeci vlerëson se lideri i partisë së tij, Behgjet Pacolli, duhet të jetë kryeministër i Kosovës. Sipas tij, deri tani asnjë kryeministër nuk ka arritur të zhvillojë ekonominë e Kosovës.
Tejeci e përshkruan Behgjet Pacollin si një biznesmen, humanist dhe politikan me përvojë të dëshmuar në menaxhimin e situatave dhe krizave shoqërore dhe shtetërore. Ai thekson se zhvillimi ekonomik i vendit dhe stabiliteti politik kanë nevojë për një njeri me përvojë të ndërkombëtarizuar si Behgjet Pacolli.
Kryetari i AKR-së shton se qeverisja e një vendi duhet të ketë prioritet zhvillimin ekonomik në politikat publike, si dhe të dijë si të dalë nga situatat jo të zakonshme dhe të marrë përgjegjësi për të gjitha zhvillimet eventuale.
Kosova, sipas tij, ka nevojë për njerëz nga sektori i biznesit që dinë të menaxhojnë buxhetin shtetëror.
Tejeci thekson se deri tani Kosova ka humbur shumë kohë dhe se asnjë investitor serioz i huaj nuk ka ardhur në Kosovë.
Sipas tij, Kosova ka nevojë për një njeri që siguron punësim dhe zhvillim ekonomik./PrizrenPress.com/
Marketing
