Të mërkurën është mbajtur mbledhja e radhës e Komitetit për Politikë dhe Financa të Prizrenit, ku janë miratuar pikat e rendit të ditës që do t’i rekomandohen Kuvendit Komunal për shqyrtim në seancën e nesërme.
Pas përfundimit të mbledhjes, kryesuesja e Komitetit, Antigona Berisha-Bytyçi, njoftoi për rrjedhën e takimit. Ajo bëri të ditur se fillimisht ishin propozuar shtatë pika të rendit të ditës, të cilat më pas u plotësuan edhe me dy pika të reja.
Ndër pikat kryesore të miratuara për rekomandim janë:
- Lirimi nga pagesa për gjashtë muaj i bizneseve në Qendrën Historike të Prizrenit.
- Propozimi për diskutimin e mundësisë së subvencionimit të bujqve për kompensim të dëmeve të shkaktuara nga moti i keq gjatë fundjavës së kaluar.
Kuvendi i Prizrenit do të mbajë seancën e tij të radhës nesër, duke filluar nga ora 10:00, ku do të shqyrtohen dhe diskutohen këto rekomandime të rëndësishme për komunitetin.
Marketing
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit