Kryetari i Prizrenit, Shaqir Totaj, priti sot drejtorin rajonal të Policisë së Kosovës në këtë qytet, kolonel Faton Alija, për të biseduar rreth thellimit të bashkëpunimit mes komunës dhe forcave të policisë.
Në takim, u diskutua për përmbushjen e nevojave të sigurisë në komunitetin lokal dhe për zgjedhjen e zingjirit të ri komandues në disa stacione policie të rajonit të Prizrenit.
Kolonel Alija vlerësoi rëndësinë e bashkëpunimit të vazhdueshëm dhe informoi kryetarin Totaj se janë emëruar komandantë të rinj në disa stacione, të cilët do të kontribuojnë në ruajtjen e rendit dhe sigurisë publike në komunitet.
Ai theksoi se Policia e Kosovës është e përkushtuar për të siguruar mbrojtjen dhe shërbimin e efektshëm për qytetarët e Prizrenit.
Kryetari Totaj shprehu gatishmërinë e komunës për të bashkëpunuar ngushtë me Policinë e Kosovës dhe për të mbështetur çdo nismë që synon të përmirësojë sigurinë dhe jetën e përditshme të qytetarëve.
Takimi u karakterizua nga një atmosferë e hapur dhe konstruktive, ku u rikonfirmua vendosmëria për të vazhduar dhe përforcuar bashkëpunimin në të ardhmen./PrizrenPress.com/
Marketing
Kompania “G&M Stone”, lidere në përpunimin dhe prodhimin e gurëve në Kosovë
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit
