Policia e Kosovës nga rajoni i Prizrenit ka hartuar një plan operativ kundër parkingjeve ilegale dhe zhurmës në lagjen “Ortakoll”, duke shqiptuar më shumë se 100 gjoba brenda tri netëve.
“Policia e Kosovës respektivisht Stacioni Policor Prizren krahas shumë angazhimeve tjera në tërë territorin e zonës se përgjegjësisë është në zbatim të Planit Operativ ”Sezoni Verore 2024” ku në kuadër të saj, ka hartuar Planin e Veprimit për parkingjet ilegale dhe zhurmën e krijuar nga lokalet në lagjen Ortakoll”, thuhet në njoftim.
Plani i veprimit u zbatua në lagjen ‘Ortakoll’ me datat 21, 22 dhe 23 Qershor 2024 nga ora 22:00 deri 02:00.
“Ky plan veprimi është zbatuar edhe në bashkëpunim të ngushtë me Drejtorinë e Inspektorateve KK Prizren. Gjate zbatimit të planit të veprimit janë shqiptuar 117 vendime për kundërvajtjet kryesisht parkime ilegale për rreth lokaleve – kafeneve”, njofton policia.
Sipas njoftimit, angazhim policor në bashkëpunim me Drejtorinë e Inspektorateve e në kuadër të kompetencave dhe autorizimeve ligjore do të vazhdojë edhe ditëve në vijim dhe jo vetëm në lagjen ‘Ortakoll’, por edhe lagjeve të tjera.
Marketing
Ofertat e “Bashkimi Reisen” për pushime të paharrueshme në Velipojë
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit