Kryetari i LDK-së në Prizren, Driton Selmanaj, ka vizituar familjet e Sali Gashit dhe Asllan Martinajt për të nderuar kontributin e tyre të madh ndaj Kosovës dhe Lidhjes Demokratike të Kosovës.
“Sot pata nderin të vizitoj familjen e veprimtarit dhe njeriut që dha shumë për lirinë e Kosovës, por që fatkeqësisht nuk është më në mesin tonë, z. Sali Gashi. Në mes bisedash dhe kujtimesh për veprimtarinë e z. Gashi, i cili kishte dhënë një kontribut të madh në Lidhjen Demokratike të Kosovës, pata nderin t’u jap familjarëve të tij një mirënjohje post-mortem, në shenjë respekti dhe vlerësimi për të gjitha veprat e mira të Sali Gashi,” shkruan Selmanaj.
Pas vizitës në familjen Gashi, Selmanaj takoi edhe familjarët e veprimtarit Asllan Martinaj, ku u dha një mirënjohje post-mortem për kontributin dhe punën e tij të çmuar.
“Asllan Martinaj ishte një personalitet i cili dha shumë për Lidhjen Demokratike të Kosovës, duke punuar pa ndalur për të parë Kosovën të lirë.”
“Të dy veprimtarët, Sali Gashi dhe Asllan Martinaj, ishin rugovista besnikë dhe mbronin me përkushtim qëllimet fisnike të Presidentit Historik, Ibrahim Rugova, që Kosova të jetë e lirë dhe e pavarur”, shkruan Selmanaj/PrizrenPress.com/
Marketing
Ofertat e “Bashkimi Reisen” për pushime të paharrueshme në Velipojë
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit
