Policia e Kosovës (PK) njofton se gjatë kontrollit në një shtëpi banimi dhe një objekt afarist në Prizren, janë gjetur dhe konfiskuar armë dhe një sasi e konsiderueshme e municionit.
Në njoftimin e Policisë, thuhet se ato u gjetën në objektet e të dyshuarit Sh.B (55-vjeçar), ndërsa është iniciuar si “Armëmbajtje pa leje”.
“Njësiti i hetimeve rajonale në Prizren në vazhdën e hetimit të një rasti në qytetin e Prizrenit, gjatë kontrollit me leje të Prokurorit të shtetit në një shtëpi banimi dhe një objekt tjetër afarist të dyshuarit Sh.B. (viti i lindjes 1969, mashkull kosovar shqiptar) ka gjetur dhe konfiskuar:
- Një (1) revolver special me katër (4) fishekë dhe dy (2) gëzhoja
- Një (1) kuti plastike për armë me një (1) objektiv optik
- Një (1) mekanizëm arme
- Dy (2) bateri dore
- Tri (3) bajoneta
- Një (1) palë dylbi
- Një (1) tytë e armës së gjuetisë
- Tri (3) pjesë mekanizëm armësh
- Tre (3) kondakë të armëve të gjata
- Një (1) dorezë druri e pushkës së gjuetisë
- Dy (2) karikator të zbrazët të armës së gjatë
- Katër (4) breza të llojeve të ndryshme
- Një (1) karikator i zbrazët i armës së gjatë
- Njëqind e dyzet e pesë (145) fishekë të pushkës së gjuetisë të kalibrave të ndryshëm
- Njëmbëdhjetë (11) fishekë dhe një (1) gëzhojë të armës së gjatë
- Dymbëdhjetë (12) fishekë të armës AK-47
- Tridhjetë (30) fishekë të pistoletës
- Dyqind e njëzet e tre (223) fishekë të kalibrit 9×19 mm
- Tri (3) shufra metal”.
- Bëhet e ditur se me urdhër të Prokurorit të shtetit është iniciuar rast ‘’Mbajtje në pronësi, kontroll ose posedim i paautorizuar i armëve’’, rast i cili do të procedohet në Prokurorinë Themelore.
Marketing
Ofertat e “Bashkimi Reisen” për pushime të paharrueshme në Velipojë
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit