Panairi tradicional për gratë zejtare dhe artizanale në Prizren u hap të premten, organizuar nga Oda e Ndërmarrësve dhe Zejtarëve të Prizrenit në bashkëpunim me Odën Tregtare të Koblenz-it. Në Sheshin e Lidhjes në Prizren, ky panair mblodhi gra artizanale nga Kosova dhe rajoni, përfshirë kryetarin e Prizrenit, Shaqir Totaj, ambasadorin e Gjermanisë, Jorn Rohde, drejtues të Odës së Koblenz-it, zëvendëskryeministren Emilia Rexhepi dhe të tjerë.
Në hapjen e panairit, kryetari i Odës së Ndërmarrësve dhe Zejtarëve të Prizrenit, Afrim Tejeci, theksoi se ky organizim tradicional synon promovimin e vlerave artizanale dhe fuqizimin e rolit të gruas zejtare. Kryetari Shaqir Totaj garantoi mbështetjen e komunës për aktivitete që ruajnë dhe kultivojnë traditat zejtare të grave. Ambasadori gjerman Jorn Rohde e vlerësoi ngjarjen si të rëndësishme për zhvillimin ekonomik, ndërsa Evelina Pervanova nga Oda Zejtare e Koblenz-it theksoi bashkëpunimin e frytshëm me Odën e Zejtarëve të Prizrenit.
Pjesëmarrëset e panairit, Zaide Duraku nga Kukësi dhe Tefta Hajdarhoxha nga Gjakova, theksuan se kjo ngjarje promovon punën e tyre dhe mundëson krijimin e klientelës së re. Koordinatorja e Departamentit të Gruas së Odës Zejtare të Prizrenit, Zejxhan Celina, vlerësoi panairin si një mundësi për gratë zejtare që të bashkëpunojnë mes vete, duke ardhur nga vende të ndryshme të rajonit. Panairi, që do të zgjasë tre ditë, përfshin mbi 60 pjesëmarrëse nga shtetet ballkanike./tvpz/
Marketing
Ofertat e “Bashkimi Reisen” për pushime të paharrueshme në Velipojë
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit